Casa Cornide. A historia dunha tomadura de pelo
Cumpriranse moi próximamente os dous anos da declaración como Ben de Interese Cultural da Casa Cornide e a Xunta de Galiza continúa sen facer cumprir á familia Franco a obriga de apertura pública e de balde deste patrimonio coruñés, cando menos catro días ao mes.
A este respecto xa esiximos publicamente fai meses, que a Xunta de Galiza – administración competente na materia – o cumprimento da legalidade, ao que a familia Franco parece inmune. E por elo, que reiteramos, e independentemente das sancións administrativas que procedan, se interpoñan pola Xunta de Galiza medidas coercitivas agravadas (e mesmo penais), polo manifesto e reiterado incumprimento das obrigas legais ao respecto da apertura á visita pública da Casa Cornide.
Mais se este claro e prolongado incumprimento da legalidade resulta sorprendente, tamén o é o que ten que ver co proceso de reclamación da titularidade pública deste ben.
A este respecto temos que lembrar que a Xunta de Goberno Local acordaba o pasado 17 de abril do pasado ano iniciar dous procedementos. En concreto os seguintes:
- Instar ao Ministerio de Educación e de Facenda a unha revisión de oficio da permuta da Casa Cornide.
- Propor ao pleno a revisión de oficio dos acordos realizados polo concello en 1962 de venda e adxudicación en poxa da Casa Cornide.
Os acordos sobre revisión de oficio contidos neste último punto foron acordados por unanimidade da Corporación (Pleno celebrado o 2 de maio de 2024), e tanto os primeiros (no que se insta ao Ministerios citados) como os segundos (no que se acordan polo pleno) están sometidos ao prazo de seis meses establecido na Lei 39/2015 de procedemento administrativo. En concreto ao seu artigo 106, onde no seu apartado 5, establecese:
“Cando o procedemento se iniciara de oficio, o transcurso do prazo de seis meses desde o seu inicio, o transcurso do prazo de seis meses desde o seu inicio sen ditarse resolución producirá a caducidade do mesmo. Se o procedemento se iniciara a solicitude de interesado, se poderá entender a mesma desestimada por silencio administrativo”.
A maiores, a Alcaldesa da Coruña negase a convocar o Consello Municipal de Memoria Democrática, a pesar das reiteradas solicitudes presentadas pola Comisión pola Recuperación da Memoria Histórica da Coruña e de acordos municipais ao respecto, e polo tanto, non se deu conta deste procedemento sobre os que xa pasaron amplamente os seis meses previstos na Lei.
En resumo, opacidade e inacción do Concello da Coruña no proceso de recuperación para o patrimonio público e connivencia da Xunta de Galiza coa familia Franco, que consinte a dia de hoxe o incumpremento das obrigas da propiedade en materia do réxime de visitas.
Por todo elo, a Comisión pola Recuperación da Memoria Histórica da Coruña demanda publicamente:
- Que a Xunta de Galiza, independentemente das sancións administrativas que procedan, se interpoñan pola Xunta de Galiza medidas coercitivas agravadas (e mesmo penais) polos xa aquí citados incumprimentos reiterados.
- Que por parte do Concello se convoque o Consello Municipal de Memoria Democrática e informe do estado real do procemento de recuperación da Casa Cornide (independentemente da información previa á Corporación Municipal e pública que se considere), e nomeadamente, da situación dos expedientes de revisión de oficio dos acordos aquí citados.