Palestra de Rubem Centeno sobre as fosas de Santo Amaro
O Centro Social Gomes Gaioso organizará mañá sábado 1 de marzo ás 12:00 horas, unnha palestra sobre as fosas do cemiterio de Santo Amaro e que impartirá o noso compañeiro Rubem Centeno.
A palestra tratará sobre o traballo de investigación “A cidade sepultada” no que o documentalista e investigador Rubem Centeno documenta o terror e a barbarie ao redor das fosas franquistas do cemiterio de Santo Amaro. A través desta investigación pódese concluír que no cemiterio de Santo Amaro existiron fosas localizadas neste traballo, nos que se realizaron enterramentos clandestinos de moitas persoas asasinadas ou fusiladas desde os primeiros momentos da sublevación, que pola cantidade de enterramentos realizados (272 documentados ata o momento) pode converter estás fosas nas máis importantes de Galiza.
Esta palestra formou parte recentemente dunhas Xornadas organizadas pola CRMH da Coruña. Podes consultar todos os materiais (tamén sobre as fosas de Santo Amaro) na seguinte ligazón: https://memoriadacoruna.gal/xornadas20anos-crmh/